مدونه ساخر مصري !!
ازيكم عاملين ايه ؟؟ يارب تكونوا بخير انا عارف ان انا بقالي كتييييييييييييييييييييير اوي ! مكتبتش تدوينات معلش حصل شويه ظروف كدا بس ان شاء الله نستمر
مع بعض,,المهم موضوع النهارده موضوع في غايه الاهميه كلنا طبعا شوفنا المواطن المصري "حماده" في جمعه الخلاص لما العساكر والضباط سحلوه من ملابسه وطبعا
مش احنا لوحدنا اللي شوفناه دا العالم كله شاف الفيديو دا واكتر من كدا حقوق الانسان !
حقوق الانسان؟؟! ايوا ياعم حقوق الانسان؟؟! طيب ياعم هيعملوله ايه ؟ انت شكلك كدا
ابيض خالص ,, بص يا بيه حقوق الانسان اكيد هترجعله حقه وشخصيته وهتطلب بتعويض مادي بسبب اللي حصله دا , دا كفايه شكله بس اللي كان يقطع القلب وهو من غير هدوم خالص طيب معلش انا مواطن مصري وفهمي على قدي اكيد طبعا حضراتكم شاهدتم الفيديو بتاع حماده اه يا حماده ! بصراحه حماده قبل الثوره غير حماده بعد الثوره اه وربنا ياعم ! طب ازاي في ناس طلعت وقالت ان اللي سحلو حماده من ملابسه الشرطه وفي اللي بيقول المتظاهرين وفي اللي بيقول الاخوان وفي اللي بيقول دول مليشيات الاخوان وفي وفي وفي .......الخ
المهم ان سياده الاستاذ حماده فجرلنا بموضوع جديد وهو ايه ؟ انه قرر وقال ان اللي سحلوة وجردوه من ملابسه هما المتظاهرين! نعم يا خويا المتظاهرين؟؟ ايوا ياعم المتظاهرين وربنا دا كلامه مش كلامي المهم هو قال ان المتظاهرين هما اللي جردوه من ملابسه وان الشرطه هي اللي حاولت انها تساعده في انه يلبس ملابسه اه والله ! ياراجل!؟ اه وربنا ياعم! طيب واللي شوفناه في الفيديو دا والضابط اللي كان بيضربه ورزعوه بالشلوط في ضاهره دا ايه جرافيكس مثلا؟؟!! واحنا بيتهئ لنا المنظر دا ؟ ايه ياعم طب كمل قراءه ,,
الخبر دا من على موقع مصراوي أدخل وشوف الخبر انه :-؟
في الوقت الذي شاهده الملايين عبر وسائل الإعلام المختلفة،
وهو عارٍ تمامًا بعد أن قام جنود الشرطة بسحله وتجريده من
ملابسه، أمام قصر الاتحادية مساء جمعة الخلاص، فوجئ
الجميع بشهادة المواطن المسحول حماده صابر، في تحقيقات
النيابة السبت، ينفي أن جنود الشرطة قاموا بسحله وتعريته.
أهو طلبت ياعم الدليل جبتلك ابو الادله كلها نكمل بئه ؟؟ نكمل ...
وحماده اثناء لقاء صحفي معاه مع التليفزيون المصري بعد ما شرب الشاي باليسمين بتاع الحكومه قالوله! ها؟ قالوله بص يا حماده انت هتقول ان المتظاهرين هما اللي عاملوا فيك كدا وضربوك وسحلوك من ملابسك وسابوك للشرطه وانت روحت لهم عشان تتحامي فيهم من المتظاهرين وراح للشرطه وقالوله " متخفش مش هنعملك حاجه مش هنأذيك احنا خايفين عليك! " خايفين عليه قووووول وربنا !!
هل حماده تعرض للتهديد؟؟
وفي مداخلة تلفزيونية مساء الجمعة قالت مدام فتحية، زوجة حمادة (التي كانت بجواره في مستشفي الشرطة)، أن زوجها بصحة جيدة، وأخذت تشكر الشرطة ومساعد وزير الداخلية، علىمجهوداتهم للعناية بزوجها، لكن لوحظ أثناء مداخلتها الهاتفية، وجود شخص ما يلقنها عبارات بعينها كي تقولها لوسائل الإعلام، ومنها: قولي حماده كويس، والشرطة واقفة معانا، وبنشكر الشرطة، ومساعد الوزير معانا حسين بيه فكري ربنا يخليه. احنا فعلا عاوزين حسين في الوقت دا حسييييييين انت فين يا حسيين ؟؟
طيب كمل ياعم........!!
بينما قال صعب الهلالي شقيق المواطن المسحول حمادة صابر في تصريحات خاصة إلى موقع ''مصراوي''، أنه لا يستبعد أن يكون شقيقه قد تعرض لضغوط من الشرطة، كي يدلي بأقوال معينة أمام النيابة خاصة أنَّ أقواله لهم وللنيابة تنافي ما رآه الملايين أمام شاشات التلفزيون من سحله وتعريته.
شوفوا الفيديوهات دي وأنده لحسييييين !!؟
استنوا شهاده "رندا" ابنه حماده المواطن المسحول.....
مدونه ساخر مصري..
اذا اعجبك الموضوع يمكنك نسخه او نشره عن باحد الطريقتين بالاسفل.
رابط الموضوع:
لاضافة الموضوع في مدونتك او المنتدى:
0 التعليقات:
إرسال تعليق